कुऱ्हाड येथे तब्बल 25 वर्षांनी भेटले वर्गमित्र! सन 1999-2000 या दहावीच्या वर्षाचे स्नेहसंमेलन रंगले!!

चले जाने के बाद आती है यादे!!--और याद आती है!!-दिशा लाईव्ह न्यूज!!

                  दिशा लाईव्ह न्यूज-सुनील लोहार.कुर्हाड.

कुऱ्हाड खुर्द येथील आदर्श माध्यमिक शाळेचे सन 1999 ते 2000 या  वर्षाचे दहावीचे सर्व  माजी विद्यार्थ्यांचे स्नेह संमेलन पार पडले .सर्व विद्यार्थी व या विद्यार्थ्यांना शिकविणाऱ्या सर्व  शिक्षकांना आमंत्रित करून त्यांना शाल,बुके,छत्रपतींची प्रतिमा भेट म्हणून देण्यात आली.

कार्यक्रमात सर्व शिक्षकांनी आपल्या मनोगतात शाळेविषयी व विद्यार्थ्यानं विषयी कृतज्ञता व्यक्त केली.तत्पूर्वी शाळेचे दिवंगत शिक्षक एस.के.पाटील,एस. आर.पाटील ,दिलीप तेली व विद्यार्थी ईश्वर शिवाजी चव्हाण यांना सामूहिक श्रद्धांजली वाहण्यात आली.

कार्यक्रमात सर्व माजी विद्यार्थ्यांनी  आपापले परिचय देत ,आपल्या जुन्या आठवणींना उजाळा दिला.दुपारच्या सत्रात सर्व विद्यार्थ्यांनी विविध खेळात सहभाग घेतला होता. 

त्यात संगीत खुर्ची,डब्यात बॉल फेकणे आदी खेळ खेळण्यात आले. यात विजयी विद्यार्थ्यांना प्रथम ,द्वितीय  बक्षीस वितरण करण्यात आले. 

कार्यक्रमास आदर्श माध्यमिक शाळेचे मुख्याध्यापक  श्री.एस.एम.पाटील,श्री.माधव घोंगडे,एकनाथ सुरवाडे,श्रीमती वानखेडे मॅडम ,देशमुख मॅडम या शिक्षकांची उपस्थिती लाभली.

तर कार्यक्रम यशस्वीते करिता डॉ.संजय जाधव,दत्तात्रय माळी,पत्रकार सुनील लोहार, गजानन माळी,तुकाराम बंजारा,पवन पाटील,जगदीश माळी,दिनेश तेली, नाना पाटील,अमोल निंबाळकर,सुरेखा चौधरी,कल्पना पाटील,प्रतिभा पाटील, सुवर्णा माळी, प्रभा माळी आदी माजी विद्यार्थ्यांनी परिश्रम घेतले.