आर .टी .लेले हायस्कूलचे पर्यवेक्षक मधुकर पवार सेवानिवृत्त

दिशा लाईव्ह न्यूज -(शंकर भामेरे पहूर , )----ता . जामनेर ( ता . जामनेर ) पहूर ग्रुप एज्युकेशन सोसायटी संचलित आर .टी .लेले हायस्कूल व कनिष्ठ महाविद्यालयाचे पर्यवेक्षक मधुकर पवार यांना सेवापुर्ती निमित्त आज शाळेने कृतज्ञतापूर्वक निरोप दिला . सेवानिवृत्त नायब तहसीलदार आनंदा काळे यांच्या अध्यक्षतेखाली सेवापुर्ती सत्कार सोहळ्याचे आयोजन करण्यात आले . प्रारंभी विद्यार्थिनींनी सुश्राव्य स्वरात ईशस्तवन व स्वागत गीत सादर केले . या वेळी मान्यवरांच्या हस्ते प्रतिमांचे पूजन करण्यात आले . प्रमुख अतिथी म्हणून नगराध्यक्षा साधना महाजन उपस्थित होत्या .यावेळी माजी जिल्हा परिषद अध्यक्ष दिलीप खोडपे ,  उत्तम थोरात , बाबुराव घोंगडे , कडूबा पाटील ,  ॲड . एस . आर . पाटिल , लक्ष्मण गोरे , मुख्याध्यापक सुरेश सोनवणे ,योगेश भडांगे , विद्या पवार यांच्यासह मान्यवरांनी मनोगत व्यक्त केले . 

याप्रसंगी संस्थेतर्फे मधुकर पवार यांना  कृतज्ञतापूर्वक निरोप देण्यात आला . उपस्थित  नातेवाईक ,  मान्यवरांनीही त्यांचा सपत्निक  सत्कार केला . 

यावेळी सरपंच आशा जाधव , पंचायत समिती उपसभापती पूजा भडांगे , अशोक पाटील , अरुण घोलप , रामेश्वर पाटील , शंकर जाधव , अशोक जाधव ,  राजू जाधव , अशोक  औटे , अतुल जहागीरदार , राजू पाटील , व्ही . जी . भालेराव , एस . व्ही . पाटील , सी .टी . पाटील , ए . पी . पाटील , पर्यवेक्षक मधुकर आगारे , किशोर पाटील यांच्यासह सर्व शिक्षक शिक्षकेतर कर्मचारी उपस्थित होते . सूत्रसंचालन आर टी देशमुख यांनी केले .