पहूर येथे अज्ञात वाहनाच्या धडकेने वृद्धाचा मृत्यू राष्ट्रीय महामार्गावरील दुर्घटना

 

दिशा लाईव्ह पहूर , ता . जामनेर ( ता . २० ) 

अज्ञात वाहनाच्या धडकेने ६८ वर्षीय वृद्धाचा मृत्यू झाल्याची घटना जळगाव छत्रपती संभाजी नगर राष्ट्रीय महामार्गावर रविवारी ( ता . २०)  सकाळी पावणे सातच्या सुमारास घडली .

दौलत धोंडू कुंभार हे  रस्त्याने जात असताना अज्ञात वाहनाच्या धडकेने  त्यांचा मृत्यू झाला .

ग्रामीण रुग्णालयात त्यांना तातडीने दाखल करण्यात आले . वैद्यकीय अधिकारी राहुल निकम यांनी मृत घोषित केले . शवविच्छेदनानंतर दुपारी दोन वाजता अंत्यसंस्कार करण्यात आले . याप्रकरणी पहूर पोलीस ठाण्यात अकस्मात मृत्यूची नोंद करण्यात आली असून तपास विलास चव्हाण करीत आहे .

राष्ट्रीय महामार्गाचे काम अजूनही पूर्ण झाले नसून वाहने सुसाट वेगाने धावत आहेत . राष्ट्रीय महामार्ग प्राधिकरणाने आवश्यक त्या ठिकाणी सूचनाफलक लावावेत , ऑटोमॅटिक सिग्नल सिस्टीम सुरू करावी तसेच महामार्गावर पांढरे पट्टे  मारण्याची मागणी नागरिकांनी केली आहे .