वाघुर नदीवरील फरशी पुलावर ग्रामपंचायतने टाकलेला मुरूम पुरात पुन्हा गेला वाहून . भगदाड कॉंक्रिटीकरणाने न बुजल्यास आंदोलनाचा इशारा .

 

दिशा लाईव्ह न्यूज,शंकर भामेरे,-पहूर , ता . जामनेर ( ता . १५) जामनेर तालुक्यातील पहुर कसबे येथील वाघुर नदीवर उभारण्यात आलेल्या फरशी पुलास पोळ्याच्या दिवशी आलेल्या महापुराने भगदाड पडले . हे भगदाड बुजण्यासाठी ग्रामपंचायतीला काँक्रिटीकरण करण्याची मागणी करण्यात आली मात्र केवळ मलमपट्टी करून ग्रामपंचायतीने दोन वेळा मुरूम टाकला . मात्र वाघुर नदीला येत असलेल्या पुरांमुळे सदर मुरूम वाहून जात आहे . दोन दिवसांपूर्वी आलेल्या पुरात पुन्हा मुरूम वाहून गेला असून भगदाड 'जैसे थे ' झाले आहे .त्यामुळे ग्रामपंचायतीचे नुकसान होत आहे .

नुकत्याच झालेल्या ग्रामसभेत या पुलावरील भगदाडाचे कॉंक्रिटीकरण करून कायमस्वरूपी समस्या सोडविण्याची मागणी सामाजिक कार्यकर्ते ईश्वर हिवाळे यांनी केली आहे. 

 क्षत्रिय माळी समाज मंगल कार्यालय ते पहुर कसबे गावास जोडणारा हा फरशी पूल आहे .तसेच  लेले नगर भागातून आठवडे बाजाराकडे जाण्यासाठी या मार्गावर मोठी वर्दळ असते . 

रेशन दुकानावर लेले नगर , महात्मा फुले नगर ,  शिवनगर भागातील नागरिक मोठ्या संख्येने याच मार्गावरून जात असतात .तसेच जिल्हा परिषद उर्दू शाळा , मिल्लत उर्दू हायस्कूल कडे जाणारे विद्यार्थी देखील पहूर कसबेतून जाताना याच मार्गाचा वापर करतात . परंतु पुन्हा पुन्हा सदर भगदाड जैसे थे होत असल्याने चिमुकल्या विद्यार्थ्यांसह गावकऱ्यांना मोठा  त्रास सहन करावा लागत आहे . पूर ओसरून दोन दिवस उलटले असले तरी अजून भगदाड जैसे थे असल्याने येणाऱ्या जाणाऱ्यांची प्रचंड गैरसोय होत आहे . सदर भगदाड कॉंक्रिटीकरण करून कायमस्वरूपी बुजवावे अन्यथा लोकशाही मार्गाने आंदोलन करण्याचा ईशारा सर्वसामान्य जनतेने दिला आहे .

https://youtu.be/Z1heUCTxqn4?si=Iy9ioo0n3zB6Sxbq

या पूला संदर्भात संतप्त ग्रामस्थ काय म्हणतात..बघू या.

वरील लिंकला क्लीक करा-आणि व्हिडीओ बघा.