दुर्दैवी घटना! पाचोरा तालुक्यातील नगरदेवळा येथे आज वीज पडून शेतकऱ्याचा मृत्य! सर्वत्र हळहळ.

 

दिशा लाईव्ह न्यूज --::--- आज 18 रोजी संध्याकाळी  वादळी पाऊस व वारा झाल्याने  जळगाव जिल्ह्यातील पाचोरा तालुक्यातील नगरदेवळा येथून अत्यन्त दुर्दैवी बातमी समोर आली आहे. 

आज संध्याकाळी नगरदेवळा येथील चुंचाळे शिवारात अंगावर वीज कोसळल्याने शेतकऱ्याचा मृत्यू झाला आहे. 

पांडुरंग त्र्यंबक महाजन (वय 65) असे मयत शेतकरी यांचे नाव आहे. पांडुरंग महाजन हे निवृत्त शिक्षक होते. दरम्यान, आज ते नेहमीप्रमाणे आपल्या शेतात गेले असताना सायंकाळी साडेसहा वाजेच्या सुमारास ही दुर्दैवी घटना घडली.

सविस्तर वृत्त असे की, पाचोरा तालुक्यातील नगरदेवळा परिसरात विजेच्या गडगडाटासह मुसळधार पावसाने हजेरी लावली. पांडुरंग महाजन हे त्यांच्या नगरदेवळा शिवारातील शेतीत असताना त्यांच्या अंगावर वीज कोसळली. दरम्यान, त्यांचा जागीच मृत्यू झालाय. पोलिसांनी पंचनामा केला आहे. याबाबतची स्थानिकां ग्रामस्थांनी माहिती दिली आहे.