पहूरच्या शौर्य स्पोर्ट्स अकॅडमीचे जिल्हास्तरीय आंतरमहाविद्यालयीन तायक्वांदो स्पर्धेत यश ! ५ खेळाडूंची विभागीय स्पर्धेसाठी निवड !

दिशा लाईव्ह न्यूज,-:- पहूर , ता जामनेर ( ता. १४  )

       कवयित्री बहिणाबाई चौधरी उत्तर महाराष्ट्र विद्यापीठ जळगाव व जळगाव विभाग यांच्या संयुक्त विद्यमाने व्हि एस नाईक महाविद्यालयात आयोजित जिल्हास्तरीय आंतर महाविद्यालयीन तायक्वांडो स्पर्धेत पहूर येथील शौर्य स्पोर्ट्स अकॅडमी च्या ६ तायक्वांडो पटुंनी सहभाग घेऊन ३ सुवर्ण पदकांसह २ रौप्य  पदक व १ कांस्य  प्राप्त केले .

        शेंदुर्णी  येथील  आचार्य गजाननराव गरुड कला वाणिज्य महाविद्यालयात शिक्षण घेत असलेल्या गौरी विजय कुमावत, लोचणा श्रीकृष्ण चौधरी ,साहील बेग  यांनी  सुवर्ण पदकावर मोहोर उमटविली तर दिनेश वासुदेव राऊत याने रौप्य पदक व हर्षल संतोष उदमले याने कांस्य पदक पटकाविले .

     जामनेर येथिल सुरेश दादा जैन फार्मसी कॉलेजमध्ये तिसऱ्या वर्षाला शिक्षण घेणारा भूषण मगरे याने रौप्य पदक प्राप्त केले .२० आक्टोंबर  रोजी व्ही . एस  .नाईक  महाविद्यालय रावेर या ठिकाणी  होणाऱ्या आंतर महाविद्यालयीन विभाग स्तरीय तायक्वांडो  स्पर्धेसाठी सुवर्ण व रौप्य प्राप्त खेळाडूंची  निवड झाली आहे .  

      सदर खेळाडूंना तायक्वांदो प्रशिक्षक हरीभाऊ राऊत ,  प्रा . महेश पाटील, प्रा .पियूष महाजन याचे मार्गदर्शन लाभले .या यशाबद्दल जामनेर तालुका एज्युकेशन सोसायटीचे सचिव सुरेश धारीवाल ,प्राचार्य शशिकांत बर्हाटे शेंदुर्णी येथील दि शेंदुर्णी सेकंडरी को-ऑपरेटिव्ह सोसायटीचे चेअरमन संजय  गरुड  ,  प्राचार्य डॉ .एस  .डब्ल्यू . भोळे, शौर्य स्पोर्ट अकॅडमीचे उपाध्यक्ष बाबुराव  घोंगडे , ॲड . संजय पाटील , ईश्वर क्षिरसागर  व सर्व संचालक मंडळ यांनी अभिनंदन केले .