वडिलांच्या मृत्युदिनीच मुलाने घेतला अखेरचा श्वास हृदयविकाराच्या धक्क्याने पहूर येथील अजातशत्रू व्यावसायिकाचा मृत्यू !

दिशा लाईव्ह न्यूज -:-- पहूर , ता . जामनेर ( ता . २० ) वडिलांच्या मृत्युदिनीच मुलाचा हृदयविकाराच्या तीव्र धक्क्याने दुर्दैवी मृत्यू झाल्याची घटना आज रविवारी (ता . २० ) सकाळी आठ वाजेच्या सुमारास पहूर पेठ येथे घडली .

          पहूर बस स्थानक परिसरात असलेल्या विनोद मेडिकलचे संचालक तथा जैन संघाचे  श्रावक विनोद रमेशचंद्र लोढा यांचे आज रविवार दि . २०ऑक्टोबर २०२४ रोजी  हृदयविकाराच्या तीव्र धक्क्याने निधन झाले . त्यांचे वडील रमेशचंद्र बन्सीलाल लोढा  यांचेही ४० वर्षांपूर्वी आजच्याच दिवशी म्हणजे  २० ऑक्टोबर १९८५ रोजी  निधन झाले होते . किराणा व्यवसायातून त्यांनी मोठा लोकसंग्रह कमविला होता . 

वडिलांच्याच पावलावर पाऊल ठेवून विनोद रमेशचंद्र लोढा हे देखील मेडिकल व्यवसायातून सेवा करीत होते . २२ वर्षांपूर्वी २००२ त्यांच्या मातोश्रींनी जैन धर्माची दीक्षा ग्रहण केली .पूर्वाश्रमीच्या मातोश्री  गुरु महाराज चिंतन प्रभाजी यांनी   सहवेदना व्यक्त करून श्रद्धांजली वाहिली . 

       अजातशत्रू असलेल्या विनोद लोढा यांच्या अकाली जाण्याने पहूर गावात हळहळ व्यक्त होत आहे .