राष्ट्रीय महामार्गावर सव्वा लाखाची देशी - विदेशी दारू जप्त ! पहूर पोलिसांची दमदार कारवाई!!

 

 दिशा लाईव्ह न्यूज ( शंकर भामेरे ) पहूर , ता .  जामनेर ( ता . १६)

जळगाव - छत्रपती संभाजीनगर राष्ट्रीय महामार्गावर आज बुधवारी ( ता . १६ ) सायंकाळी ७वाजेच्या सुमारास पहूर पोलिसांनी केलेल्या धडक कारवाईत सव्वा लाखाची देशी - विदेशी दारू जप्त करण्यात आली .

       राष्ट्रीय महामार्गावर लावण्यात आलेल्या नाकाबंदी दरम्यान (एम . एच . २० - ई ई - ३०९७ ) या कारची तपासणी केली असता त्यात १ लाख २५ हजार ४३० रुपये किमतीची देशी विदेशी दारू आढळून आली .

 याप्रकरणी चालक दिलीप अशोक पाटील, रा . धुळे यास कारसह पोलिसांनी तात्काळ ताब्यात घेत (  एकूण मुद्देमाल ७ लाख ७५ हजार ४३० रुपये ) त्याच्या  विरुद्ध महाराष्ट्र दारूबंदी अधिनियमान्वये गुन्हा दाखल केला .

 पोलीस निरीक्षक सचिन सानप यांचे मार्गदर्शनाखाली पोलीस उपनिरीक्षक भरत दाते, गोपनीय विभाग प्रमुख गोपाल गायकवाड, ज्ञानेश्वर ढाकरे, विनोद पाटील, हेमंत सोनवणे यांच्या पथकाने 

ही धडक कारवाई केली आहे .