भारतीय जनता पार्टीने जळगाव शहर विधानसभा मतदारसंघातून सुरेश भोळे यांची पुन्हा उमेदवारी जाहीर केली; कार्यकर्त्यांमध्ये उत्साह!!

जळगांव -:--    भारतीय जनता पार्टीच्या वरिष्ठ नेत्यांनी पुन्हा एकदा जळगाव शहर विधानसभा मतदारसंघातून विद्यमान आमदार सुरेश भोळे यांना पुन्हा एकदा उमेदवारी जाहीर केली आहे. पक्षाच्या वरिष्ठ नेत्यांनी ही घोषणा केली असून, स्थानिक पातळीवर याबाबत उत्सुकता वाढली आहे. सुरेश भोळे यांची उमेदवारी जाहीर झाल्यानंतर त्यांच्या समर्थकांमध्ये आनंदाचे वातावरण आहे.

आमदार सुरेश भोळे यांनी गेल्या पाच वर्षांत जळगाव शहरातील विकासासाठी केलेल्या कार्याचा पक्षाने आढावा घेतला असून, त्यांच्या कार्यशैलीबद्दल सकारात्मक प्रतिसाद मिळाल्यानेच त्यांना पुन्हा उमेदवारी देण्यात आली आहे. भोळे यांनी यापूर्वी जळगाव शहरातील विविध विकासकामे, रस्ते सुधारणा, पाणीपुरवठा योजना, तसेच शिक्षण क्षेत्रातील प्रकल्पांवर विशेष लक्ष केंद्रित केले होते.

या निवडणुकीत भारतीय जनता पार्टीसमोर काँग्रेस आणि राष्ट्रवादी काँग्रेसचा मोठा आव्हान असणार आहे. विरोधकांनी स्थानिक मुद्द्यांवरून सरकारवर टीका करत भाजपला घेरण्याचे संकेत दिले आहेत. त्यामुळे, जळगाव शहरातील निवडणूक रंगतदार होणार असल्याची शक्यता वर्तवली जात आहे.

सुरेश भोळे यांनी उमेदवारी जाहीर झाल्यानंतर माध्यमांशी बोलताना सांगितले की, “माझ्या कार्यकाळात जळगाव शहराच्या विकासासाठी अनेक योजना राबवल्या आहेत आणि या निवडणुकीत जनतेचा पाठिंबा मिळून पुन्हा विकासाचे काम पुढे नेऊ.” त्यांनी सर्व कार्यकर्त्यांना एकजुटीने निवडणुकीसाठी तयारी करण्याचे आवाहन केले आहे.

जळगाव शहरातील मतदारसंघ हा भाजपचा पारंपारिक बालेकिल्ला मानला जातो, परंतु यंदा विरोधकांनीही चांगली तयारी केली आहे. त्यामुळे निवडणुकीत कोण बाजी मारणार, हे पाहणे उत्सुकतेचे ठरणार आहे.