पहूर येथे तरुण शेतकऱ्याची आत्महत्या गळफास घेऊन संपविले जीवन ! जामनेर तालुक्यात लागोपाठ दोन दिवसात दोन शेतकऱ्यांनी केली कर्जापायी आत्महत्या.

दिशा लाईव्ह न्यूज-पहूर , ता . जामनेर ( ता . ६ ) सततची नापिकी आणि कर्जाचा वाढता बोजा यामुळे आर्थिक संकटात सापडलेल्या तरुण अल्पभूधारक शेतकऱ्याने गळफास घेऊन आत्महत्या केल्याची  हृदयद्रावक घटना आज रविवारी ( ता . ६ ) सायंकाळी साडे आठच्या सुमारास घडली .

        गुणवंत उत्तम गीते ( वय २९ ) असे मृत शेतकऱ्याचे नाव असून वडिल   , भाऊ यांच्यासोबत ते शेती करत होते .  

रविवारी सायंकाळी साडेआठ वाजेच्या सुमारास त्यांनी जामनेर रस्त्यावरील हॉटेल रोहिणीच्या पाठीमागील बाजूस लिंबाच्या झाडाला गळफास लावून आत्महत्या केली . घटनेची माहिती मिळताच पोलीस उपनिरीक्षक भरत दाते आणि ईश्वर कोकणे यांनी घटनास्थळी भेट देऊन ग्रामीण रुग्णालयात आणले असता डॉ .संदीप पाटील यांनी तपासणीअंती मृत घोषित केले .ग्रामीण रुग्णालयात शव विच्छेदन करण्यात येणार आहे . 

 जामनेर तालुक्यातील लोंढरी बुद्रुक येथील शेतकऱ्याच्या आत्महत्या नंतर आज झालेल्या घटनेने सर्वत्र हळहळ व्यक्त होत आहे .  त्यांच्या मागे पत्नी , मुलगा  असा परिवार आहे .