दिशा लाईव्ह न्यूज ( शंकर भामेरे ) --::-- ता . जामनेर ( ता . ७ ) पहूर येथील ग्रामीण रुग्णालयापासून श्री क्षेत्र संगमेश्वर महादेव मंदिरापर्यंत रस्त्याच्या चौपदरीकरणाचे काम अत्यंत धिम्या गतीने सुरू आहे .
रस्त्याचे काम पूर्ण होत नाही तोवर रस्त्याची अक्षरशः चाळण झाली आहे . ठिकठिकाणी जिवघेणे खड्डे पडले असून खड्डे चुकवताना वाहन चालकांना तारेवरची कसरत करावी लागत आहे .
पहूर ग्रामीण रुग्णालयापासून श्री क्षेत्र संगमेश्वर महादेव मंदिरापर्यंत रस्त्याच्या चौपदरीकरणाचे काम मंजूर झाले आहे . या कामाअंतर्गत रस्ता दुभाजक बनविण्यात आले आहेत. तथापि रस्त्याच्या कामास अद्यापही गती आलेली नसल्याने वाहन चालकांसह स्थानिक रहिवाशांना मोठा त्रास सहन करावा लागत आहे .
सरकारी दवाखाना ते श्री क्षेत्र संगमेश्वर महादेव मंदिर या दरम्यान आर . टी .लेले हायस्कूल व कनिष्ठ महाविद्यालय , गुरांचा दवाखाना , पोलीस स्टेशन , १ ३ २ के .व्ही . महापारेषण केंद्र असे विविध शासकीय कार्यालये आहेत . मात्र रस्त्यावर कोणत्याही ठिकाणी कोणतेही सूचना फलक लावण्यात आलेले नाही . सदर रस्ता भरवस्तीतून जात असल्याने नेहमीच पायी चालणाऱ्या नागरिकांची ही वर्दळ असते .
श्री क्षेत्र संगमेश्वर महादेव मंदिराकडून पहूर गावाकडे जात असताना महात्मा फुले महात्मा फुले तेलबिया संस्थेपासून आर . टी . लेले हायस्कूल व कनिष्ठ महाविद्यालयापर्यंत वाहनांचा वेग प्रचंड असतो . येथे वळण रस्ता असल्याने आणि कोणतेही सूचनाफलक तथा गतिरोधक नसल्याने अपघाताची शक्यता नाकारता येत नाही .
या मार्गावर नाली मंजूर झाली असली तरी मात्र प्रत्यक्ष काम सुरू झालेले नाही . परिणामी पावसाळ्यात अनेक नागरिकांच्या घरात पाणी शिरले होते .
.jpg)
.jpg)
Post a Comment
0 Comments