अंतुर्ली, ता.पाचोरा येथे एक सशस्त्र सीमा बल जवानावर वीज पडून दुर्दैवी मृत्यू--कुटुंबासह संपूर्ण गाव शोकसागरात

दिशा लाईव्ह न्यूज -:-  पाचोरा तालुक्यातील अंतुर्ली (खडकी) येथील सुटीवर आलेल्या भूषण आनंदा बोरसे (33) हे आपल्या दुचाकी वरून काल संध्याकाळी दि.9 रोजी  शेतातून परत येत असताना ,एक क्षणात अंगावर वीज पडून मृत्यू झाल्याची दुर्दैवी घटना घडली असून परिसरात शोककळा पसरली आहे.

पाचोरा तालुक्यात अनेक ठिकाणी विजांच्या कडकडाटासह परतीच्या पावसाचे जोरदार आगमन झाले. यामुळे शेतात काम करत असलेल्या शेतकरी व मजुरांची चांगलीच तारांबळ उडाली. यात सुट्टीवर घरी आलेल्या एका जवानाचा  वीज पडून मृत्यू झाला. भूषण आनंदा बोरसे असे मृत जवानाचे नाव आहे. भूषण आनंदा बोरसे हे तालुक्यातील अंतुर्ली खडकीचे राहणार होते .ते सशस्त्र सीमा बल (एसएसबी) मध्ये बिहारमध्ये कार्यरत होते.

 ते परवाच  आपल्या कुटुंबाला भेटण्यासाठी सुट्टीवर आले होते. दरम्यान, आईवडिलांना शेतात मदत व्हावी म्हणून काल ते शेतात गेले होते. शेतातून दुचाकी वरुन परत येत असताना त्यांच्या अंगावर वीज पडल्याने त्यांचा मृत्यू झाला. 

दरम्यान, भूषण आनंदा बोरसे हे परवाच सुट्टीवर आले होते. दरम्यान, आज त्यांचा वीज पडून दुर्दैवी मृत्यू झाल्याने संपूर्ण परिसरात हळहळ व्यक्त केली जात आहे. तर पाचोरा पोलिसांनी घटनेचा पंचनामा करुन या घटनेची नोंद केल्याची माहिती मिळाली आहे.