जीवाचा मैतर सर्पदंशाने वारला..... अन् ...शेतकरी ढसाढसा रडत बसला!! कुऱ्हाड येथील शेतकऱ्याचे सुमारे पन्नास हजार रुपयाचे आर्थिक नुकसान.

                      सुनील लोहार 

कुऱ्हाड तालुका पाचोरा - कुऱ्हाड खुर्द येथील शेतकरी पवन शिंपी यांच्या बैलजोडीतील  एका बैलाचा सर्पदंश ने मृत्यू झाल्याची घटना आज दिनांक २९ रोजी रविवारी दुपारी  घडली.

 येथील शेतकरी पवन श्रीकृष्ण शिंपी  हे  नेहमीप्रमाणे जांभूळ शिवारातील आपल्या शेताच्या बांधावर रविवारी दुपारी बैलजोडी चारत असताना दोन पैकी  एका बैलाला सापाने दंश केला,असता केवळ दहा ते पंधरा मिनिटात बैल जमिनीवर कोसळला असता मृत पावला.

शेतात शेती कामांना मदत करणारा जीवाचा मैतर आज मृत्युमुखी पडल्याने या शेतकऱ्यांने अश्रूंना वाट मोकळी करून दिली,यामुळे शेतकऱ्याचे सुमारे पन्नास हजार रुपयाचे आर्थिक  नुकसान झाले .या शेतकऱ्याला शासनामार्फत मदत मिळवून देण्याची मागणी होत आहे.