पहुर ग्रामीण रुग्णालयात कुपोषित बालकांना औषधी वाटप!!

दिशा लाईव्ह न्यूज -:-  ---जिल्हाधिकारी आयुष प्रसाद यांच्या आदेशानुसार प्रथम तिमाहीत आरोग्य विभाग व बालविकास प्रकल्प यांच्या संयुक्त विद्यमाने धडक अंगणवाडी तपासणी मोहिम राबविण्यात आली त्यात कुपोषित बालकांची निश्चिती करून त्यांना अतिरिक्त आहार व आवश्यक औषधी देऊन उपचार करण्यात आले यामध्ये सुधारणा न झालेल्या कुपोषित बालकांसाठी जून अखेर बालरोगतज्ञांकडून तालुका स्तरावर तपासणी व उपचार करण्यात आले.

या बालकांना लागणाऱ्या अतिरिक्त औषधी साठी राष्ट्रीय बाल स्वास्थ कार्यक्रम,आरोग्य विभाग व बालविकास प्रकल्प यांच्या संयुक्त विद्यमानाने दाते शोधून सदर बालकांना औषधी वितरित करण्यात आली.

कार्यक्रमाच्या अध्यक्षस्थानी तालुका वैद्यकीय अधिकारी डॉ. राजेश सोनवणे तर प्रमुख पाहुणे डॉ.मोना महाजन व डॉ.मनीषा पाटील ह्या होत्या.

कार्यक्रम प्रसंगी डॉ.विजया पाटील यांनी कुपोषित बालकांना आहाराचे महत्व या विषयावर उपस्थितांना मार्गदर्शन केले.

कार्यक्रमाचे सूत्रसंचालन डॉ.धनंजय पाटील,प्रास्ताविक डॉ.जितेंद्र वानखेडे तर  आभार मोनाली साबळे यांनी मानले.

कार्यक्रम प्रसंगी उपजिल्हा रुग्णालयाचे बालरोगतज्ज्ञ डॉ.राहुल निकम,वैद्यकीय अधिकारी डॉ.पल्लवी राऊत,डॉ.संदीप कुमावत,मंदाताई हटकर, योगिता नागरे,सतीश बनसोडे,विजू माळी,लहू पाटील अंगणवाडी पर्यवेक्षिका निशा तेली अंगणवाडी सेविका, आशा स्वयंसेविका उपस्थित होत्या.

डॉ.विजया पाटील व डॉ.धनंजय पाटील यांनी कार्यक्रम यशस्वीतेसाठी परिश्रम घेतले.