जि.प.मराठी शाळा वाकडी येथे राजमाता जिजाऊ व स्वामी विवेकानंद यांची जयंती उत्साहात साजरी

बाळू जोशी  वाकडी.ता.जामनेर.दि.१२/०१/०२४ आज सकाळी जिल्हा परिषद मराठी केंद्र शाळा वाकडी येथे वीरमाता जिजाऊ व स्वामी विवेकानंद यांची जयंती उत्साहात साजरी करण्यात आली यावेळी कार्यक्रमाला व्यवस्थापन समितीच्या अध्यक्षा  सौ.देवकाबाई भोई यांच्या हस्ते राजमाता जिजाऊ व स्वामी विवेकानंद यांच्या प्रतिमेचे पूजन करण्यात आले, यावेळी शाळा व्यवस्थापन समितीचे सदस्य सुनील साबळे ,बंडू सुरळकर, राजेंद्र चांदणे ,उपस्थित होते. यावेळी इयत्ता दुसरीतील विद्यार्थिनी कुमारी नव्या राजपूत दिव्या परदेशी  राजश्री ठोंबरे शिवन्या काळे प्राची तेली यांनी जिजाबाई च्या वेशामध्ये वेशभूषा सादर केली. इयत्ता दुसरीच्या विद्यार्थ्यांनी जिजाबाईंच्या कार्याबद्दल माहिती सांगून कार्यक्रमाची शोभा वाढवली, शाळेचे मुख्याध्यापक प्रल्हाद शिंदे यांनी स्वामी विवेकानंद यांच्या कार्याची माहिती दिली, उपशिक्षक श्री कैलास सोनवणे  यांनी पोवाडा गायन केले, कार्यक्रमाचे सूत्रसंचालन श्री सूर्याजी काकडे,यांनी केले, गावातील सामाजिक कार्यकर्ते युवराज बिजागरे पेंटर यांनी विद्यार्थ्यांनी जे मनोगत व्यक्त केले,त्याबद्दल सर्वांचे कौतुक केले, व मुलांना चॉकलेट वाटप करण्यात आला, ज्ञानेश्वर पाटील यांनी उपस्थितांचे आभार मानले.