पाचोरा -जळगाव हायवेवर गोराडखेडा बस स्टँड जवळ भीषण अपघात!! गावात शोककळा.

जळगांव जिल्हात अपघाताच्या मालिका चालूच आहे.परवा  दि.2 जानेवारी रोजी लोहारा येथील तरुणाचा कळमसरा,ता.पाचोरा येथे चारचाकी आणि मोटरसायकल यांचा जोरदार अपघात होऊन  गुणवंत दत्तात्रय क्षिरसागर या तरुणाचा जागीच मृत्यू झाला आहे. ही घटना ताजी असतांनाच आज पाचोरा जळगाव हायवे वर गोराडखेडा बस स्टँड जवळ अपघात झाला असून पाचोरा येथून जळगाव कडे जाणाऱ्या भरधाव स्विफ्ट गाडीने गोराडखेडा बस स्टैंड वर उभे असलेल्या तीन ते चार जणांना जबरदस्त धडक दिल्याने दोन जणांचा जागीच मृत्यू झालेला आहे. व दोन जण गंभीर जखमी झाले आहे. आज दिनांक 4 गुरुवार रोजी सायंकाळी पाच ते साडेपाचच्या दरम्यान हा अपघात झाल्याचे समजते. या घटनेत स्विफ्ट कारचा ड्रायव्हर भरधाव वेगाने जात होता .एका इसमास गंभीर  मार लागल्याने त्याला जळगाव येथे हलविण्यात आले आहे. शाळेतून येणारी शाळकरी मुलगी दुर्गा पवार ही सोळा वर्षाची ,तर एक व्यक्ती सुभाष पाटील वय 60 या दोघांचा या घटनेत दुर्दैवी मृत्यू झाला आहे. रुग्णवाहिका किशोर लोहार याने घटनास्थळावरून ग्रामीण रुग्णालयात मृतदेह आणले पोलिसांनी लागलीच घटनास्थळी धाव घेतली अशी मोठी घटना पहिल्यांदाच घडली असून गोरडखेडा गावात शोककळा पसरली आहे .तसेच मृतांची ओळख पटवण्याचे कार्य सुरू आहे गोराडखेडा गावातून संतापजनक भावना  व्यक्त होत आहे.

 पुढील तपास पाचोरा पोलीस स्टेशनचे संबंधित अधिकारी करीत आहे.